Kampioni i Premierë Ligës ia ka shkaktuar disfatën e parë sezonale Liverpoolit.
“Redsat” janë mposhtur me rezultat të ngushtë 2 me 1 në derbin si mysafirë kundër Manchester Cityt në Etihad në kuadër të xhiros së 21-të në Premierë Ligë, shkruan portali arbresh.info.
Derisa shanset nuk munguan qysh në fillim të ndeshjes, skuadrës së trajnerit Jurgen Klopp iu mohua një gol nga teknologjia e linjës së golit me anë të së cilit u vërtetua se goditja nga nuk kaloi rrjetën për 11mm plotësisht.
Manchester City më pas shfrytëzoi këtë duke u treguar më vendimtar për të shkuar në pushime me një epërsi minimale për 1 me 0 përmes Sergio Agueros.
Mirëpo, shifrat u barazuan në minutën e 64′ të pjesës së dytë nga sulmuesi brazilian Roberto Firmino që realizoi me kokë për 1 me 1 pas asistimit nga Andrew Robertson.
Sidoqoftë, në një kundërsulm të shpejtë, Leroy Sane riktheu në avantazh kampionin në fuqi të Premierë Ligës duke shënuar për 2 me 1 (72′).
Trajneri gjerman Jurgen Klopp bëri më pas disa ndryshime duke inkuadruar në fushë Daniel Sturridgen dhe Xherdan Shaqirin, por “Qytetarët” u treguan të kujdesshëm edhe në vazhdim.
Me këtë fitore, Manchester City ka rihapur garën për titull në Premierë Ligë duke kaluar në pozitën e dytë në tabelë me 50 pikë, katër më pak se Liverpooli në krye./arbresh.info/
AGK-ja sot publikon raportin vjetor ‘Treguesit e nivelit të ...
Simone Inzaghi tregon se si ekipi i tij humbi derbin me Mila...
6 të vdekur dhe disa të zhdukur nga përmbytjet dhe rrëshqitj...
Java e parë e vjeshtës, ky është parashikimi i motit në Shqi...
Fillon sot qarkullimin autobusi rozë në kuadër të fushatës k...
Mblidhet sot Kryesia e Kuvendit