Google ADS

Ramadani: Serbia ka blerë 4 aeroplan luftarakë, ky shtet është i rrezikshëm për sigurinë e rajonit

18:25 | 3 Janar 2019
Arbresh.info

Zëvendësministri i Mbrojtjes, Burim Ramadani, ka thënë se Serbia paraqet kërcënimin kryesor për sigurinë në Ballkan.
Në një reagim në profilin e tij Ramadani, ka përmendur blerjen e katër aeroplanëve ‘MIG 29’, që Serbia ka marrë nga Bjellorusia.

Megjithatë ai thotë se edhe përkundër saj, shteti serb vazhdon të luaj rolin e viktimës.

“Serbia ka kontraktuar edhe 4 aeroplanë luftarak “MIG 29”, tash nga Bellorusia. Në të njëjtën kohë, e paraqet veten si viktimë në rajon, duke paralajmëruar luftë kundër “Shqipërisë së Madhe”, gjë që ekziston vetëm në propagandën serbe”, ka shkruar Ramadani.

Ai ka përmendur edhe vizitën që Vladimir Putin do të realizojë në Beograd në mesin e janarit të këtij viti.

“BE-ja ia hap kapitujt, ndërsa Putini e viziton në mes të janarit 2019.Serbia paraqet kërcënimin kryesor të sigurisë në Ballkan”, ka përfunduar Ramadani në reagimin e tij.

 

Shpërndaje në rrjete sociale

Lajmet më të lexuara

Të ngjashme

Foto lajm