Demokratët në SHBA nisin me kontrollin e Dhomës së Përfaqësuesve

08:30 | 3 Janar 2019
Arbresh.info

Partia Demokratike në Shtetet e Bashkuara nga sot merr kontrollin e Dhomës së Përfaqësuesve.

Nancy Pelosi, e cila ka qenë kryetare e Dhomës për katër vjet nga 2007-ta, do ta marrë të njëjtën pozitë dhe do të kryesojë Dhomën 435-anëtarëshe deri së paku në zgjedhjet e 2020-ës.

Dyqindetridhjetepesë demokratët, me fitoret e tyre në zgjedhjet e nëntorit, janë bërë parti shumicë përballë republikanëve të presidentit Donald Trump.

Pelosi, 78 vjeçe, ka qenë kritike e ashpër e Trumpit, ndërsa demokratë të tjerë që marrin pozita udhëheqëse në komitetet e Dhomës së Përfaqësuesve, janë zotuar se do ta hetojnë presidentin për lidhjet e tij me Rusinë, për marrëveshjet biznesore e çështje të tjera.

Republikanët do të vazhdojnë të kenë kontrollin në Senat, me 53 anëtarë nga 100 në total.

Shpërndaje në rrjete sociale

Lajmet më të lexuara

Të ngjashme

Foto lajm