Presidenti i Atleticos, Enrique Cerezo insiston se ata nuk i frikësohen Cristiano Ronaldos para takimit të tyre në Ligë të Kampionëve me Juventusin.

Skuadra e Diego Simeones do të përballet me liderët në Serie A në xhiron e 1/8-tës të këtij kompeticionit madhështor dhe do të jenë kundër një fytyre të njohshme – Cristiano Ronaldos, ish sulmuesit të Real Madridit, transmeton portali arbresh.info.

“Juventusi është njëra nga skuadrat më të mira në Evropë, por ne do të përpiqemi për t’i eliminuar ata”, ka thënë Cerezo për ‘Tuttosport’. “Ka shumë respekt mes dy klubeve. E admiroj Agnellin dhe mendoj se kushdo që do shkon në fazën tjetër do të arrijë në finale. Të shpresojmë që të jemi ne”

“Ronaldo? Ne jemi përballur me të disa herë. Ne e respektojmë atë por ne nuk kemi frikë. Ai është një lojtar i mrekullueshëm dhe është duke vërtetuar vlerën e tij te Juventusi”

“Cristiano Ronaldo është njëri nga lojtarët më të mirë në botë me Leo Messin, Griezmannin, Neymarin dhe Mbappen”

“Mendoj se ai është i njëjti Cristiano që ka luajtur për Real Madridin dhe Manchester United, një lider i vërtetë”

Ndeshja e parë mes dy gjigantëve zhvillohet më 20 shkurt, ndërsa takimi kthyes në Torino zhvillohet më 12 mars./arbresh.info/