Ministri i Punëve të Brendshme, z. Ekrem Mustafa priti në takim njoftues ambasadorin e Shteteve të Bashkuara të Amerikës, z. Philip Kosnett.
Në këtë takim, ministri Mustafa e njoftoi ambasadorin amerikan për situatën e përgjithshme të sigurisë në Kosovë. Gjatë këtij takimi u diskutua për marrëdhëniet dhe bashkëpunimin në mes SHBA-ve dhe Republikës së Kosovës.
Ministri Mustafa ka vlerësuar lartë mbështetjen që qeveria amerikane ka dhënë për sektorin e sigurisë, veçanërisht për përkrahjen në fuqizimin e agjencive të sigurisë në kuadër të ministrisë së Punëve të Brendshme dhe kërkoi që kjo përkrahje të vazhdojë edhe në të ardhmen.
Ndërsa, ambasadori amerikan, z. Philip Kosnett tha se vendi i tij është i përkushtuar për bashkëpunimin me Republikën e Kosovës, duke shtuar se ndjehet shumë i gëzuar që do të shërbejë në Kosovë.
Ai theksoi se bashkëpunimi dhe përkrahja amerikane për Republikën e Kosovës, e në veçanti për institucionet e rendit dhe ligjit, nuk do të mungojë. /arbresh.info/
Fero: Për Vullnetin ka paragjykime, por brenda në shpirt ësh...
LDK: Qëndrojmë të bashkuar me popullin turk
Trepça pëson humbje në grupet e FIBA Europe Cup
Haradinaj mesazh komunitetit shqiptar në Amerikë: Kosova ka ...
Abdixhiku nga Rahoveci: Momenti për ndryshim është afër
Në 13 vite emigruan 550 mijë të rinj italianë, gjysma e të c...