Partia Demokratike dhe aleatët e saj i kanë dhënë fund bojkotit parlamentar dhe do të jenë të enjten në seancë plenare duke shpëtuar edhe mandatet e deputetëve.
Pas një takimi me aleatët, kryetari i PD-së Lulzim Basha mblodhi Këshillin Kombëtar dhe më pas edhe grupin parlamentar. Por cila është arsyeja e gjithë këtyre takimeve në selinë blu ku nuk reshtin hyrjet dhe daljet.
Lapsi.al mësoi se me rikthimin e deputetëve të opozitës në vendet e tyre në parlament do të shoqërohet me një protestë përpara sallës së parlamentit për shkak se të enjten do të diskutohet dekreti i Presidentit që riktheu buxhetit të shtetit. Të njëjtat burime thanë se grupi parlamentar i PD-së po përgatitet të paraqesë në Kuvend disa amendamente për ligjin e arsimit të lartë.
Për këtë arsye kreu i Grupit Parlamentar të PD-së, Edmond Spaho kërkoi në Konferencën e Kryetarëve që opozita të ketë të drejtë fjale gjatë diskutimeve të enjten për dekretin e Presidentit për buxhetin e shtetit, pasi do të ngrejë shqetësimin e studentëve që protestojnë në rrugë.
Lapsi.al mëson se opozita do të ketë në dispozicion 2 orë diskutim vetëm për këtë çështje ndërsa mazhorancës i është lënë 3 orë diskutim. Gjatë kohës që do të ketë diskutime në sallë, jashtë saj do të ketë një protestë të qytetarëve, por e mbështetur nga deputetët e PD-së.
LDK: Nga janari, bizneseve u dyfishohet e trefishohet tatimi...
Ndërlidhja strategjike e konfliktit në Lindjen e Mesme dhe U...
Gresa akuzon Rovenën për ‘vjedhje’ të këngës, kjo e fundit z...
Osmani takohet me përfaqësues të Google dhe Amazon: Synim ës...
Pas regjistrimit, partitë proserbe në Mal të Zi kërkojnë që ...
Pesë gjigantët evropianë pas Jonathan David