Mourinho refuzoi klubin e madh evropian vetëm disa javë para shkarkimit

18:52 | 19 Dhjetor 2018
Arbresh Info

I shkarkuari nga Manchester United, Jose Mourinho është zbuluar tani se refuzoi një kontratë nga Real Madridi vetëm disa javë më parë.

Trajnerit portugez i është shfaqur dera nga United dje pas dy viteve e gjysmë të tij në detyrë te skuadra në Old Trafford, transmeton portali arbresh.info.

Siç raporton ‘El Pais’, presidenti i Real Madridit, Florentino Perez, reagoi në tetor dhe tentoi nënshkrimin me Mourinhon pas shkarkimit të Julen Lopeteguit. Oferta përfshinte një para-kontratë, e cila do të bënte që Mourinho të largohej nga United në qershor për transferim në Madrid. Megjithatë, portugezi e refuzoi ofertën.

“Një agjent i afërt me palët ka treguar se oferta përshinte premtimin për të punësuar Mourinhon para 1 korriku dhe me një dënim prej 5 milionë euro ndaj Madridit në rast se marrëveshja nuk do të arrihej deri në atë datë”, ka zbuluar një burim i tyre.

Oferta do t’i siguronte atij 15 milionë euro dhe mund të riaktivizohet tani pasi Mourinho është i lirë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm