Fondi Monetar Ndërkombëtar ka ngritur edhe njëherë shqetësimin lidhur me tendencën për futjen e skemave të pabuxhetuara jokontributdhënëse të pensionit të parakohshëm të grupeve të veçanta si policia, përfitimeve speciale për mësimdhënësit që kanë punuar gjatë viteve të 1990, si dhe shtesat universale për fëmijë, shkruan sot Koha Ditore.
Kjo, pasi, sipas këtij institucioni, do të rrezikohej qëndrueshmëria financiare e sistemit të përfitimeve sociale.
Në vlerësimin e stafit të FMN-së për konsultimin e nenit IV me Kosovën, të publikuar të martën, po ashtu, është kërkuar që Ligji i pagave në sektorin publik të rishqyrtohet, duke pasur parasysh koston e konsiderueshme fiskale, përfshirë zgjerimin e shtesave diskrecionale dhe vazhdimin e pagave të pabarabarta si pasojë e lirimeve dhe përjashtimeve nga sistemi i ri për grupe të veçanta.
Në këtë raport thuhet se çdo rritje e pensioneve duhet të kufizohet në pensionin bazë për të zvogëluar varfërinë e moshës së vjetër dhe për ta sjellë më pranë nivelit të përfitimit të ndihmës sociale. Pas rritjes shumë të shpejtë të pensioneve kontributdhënëse në vitin 2016, çdo rritje e mëtejme do të konsiderohej e pamatur.
Si të shmangni dhimbjet e stomakut në vjeshtë, tri kura naty...
Ushqimet që ndihmojnë në uljen e sheqerit në gjak
Pas Bejrutit, Izraeli godet edhe Damaskun, vriten dhëndri dh...
Izraeli sulmon objektivat e Hezbollahut pranë Bejrutit
Moment historik për gratë në Meksikë, zgjidhet presidentja e...
Balla: Shqipëria drejt anëtarësimit në BE