Mourinho largohet për herë të fundit nga hoteli ku jetoi 865 ditë

17:33 | 18 Dhjetor 2018
Arbresh Info

Jose Mourinho u largua nga hoteli Lowry për herë të fundit pas shkarkimit si trajner i Manchester United.

Mourinho arriti në kampin stërvitës Carrington mëngjesin e sotëm (e martë) dhe aty iu tha nga nënkryetari i klubit Ed Woodward se është shkarkuar, transmeton portali arbresh.info.

Trajneri portugez shpenzoi dy vite e gjysmë duke qëndruar në hotel dhe pagoi një shifër madhështore për qira prej 799 mijë funta. Në përgjithësi, ai shpenzoi 865 ditë duke jetuar në hotelin me pesë yje ndërkohë që familja e ti qëndroi në shtëpinë e tyre 25 milionëshe në Londër.

Por, pasditen e sotme, Mourinho është larguar për herë të fundi dhe do të rikthehet në kryeqytet me një shumë prej 24 milionë funta në xhepin e tij.

Duke folur për fotografët jashtë, ai dukej mjaftë i lumtur dhe pozoi për disa foto dhe kur është pyetur se si po ndihej, Mourinho u përgjigj: “Mirë, shoku im”.

Shkarkimi i tij dukej e pashmangshëm duke marrë parasysh rekordin negativ në Premierë Ligë të “Djajve të Kuq”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm