Presidenti Thaçi reagon pas votimit të Rezolutës, premton bashkëpunim me ekipin dialogues

20:01 | 15 Dhjetor 2018
A. B.

Pas votimit në Kuvendin e Kosovës të Rezolutës për Dialogun, ka reaguar edhe presidenti i Kosovës, Hashim Thaçi.

Përmes një postimi në Twitter, Presidenti Thaçi ka thënë se e mirëpret miratimin e rëndësishëm të kësaj rezolute.

“E mirëpres vendimin e rëndësishëm sot për krijimin e ekipit negociator për dialogun me Serbinë i udhëhequr nga zoti Limaj dhe zoti Ahmeti’’, ka shkruar presidenti i vendit.

Ai tutje ka shtuar se do të bashkëpunoj me këtë ekip në arritjen e marrëveshjes me Serbinë, që i hap rrugë vendit për anëtarësim në Organizata Ndërkombëtare.

‘’Do të bashkëpunoj me ta në arritjen e një marrëveshjeje përfundimtare që do të hap dyert e OKB, NATO dhe BE-së për Kosovën’’, ka përfunduar ai.

Kuvendi i Kosovës me 59 vota pro dhe dy abstenime votoi sot rezolutën e PSD-së për dialogun.

Shpërndaje në rrjete sociale

Lajmet më të lexuara

Të ngjashme

Foto lajm