Haxhiu: Veseli po angazhohet për t’ia bërë votat rezolutës së PSD’së

18:11 | 15 Dhjetor 2018
A. B.

Ndonëse kanë kaluara 5 orë e 30 minuta ende Kuvendi i Kosovës nuk po mund të filloj seancën e jashtëzakonshme të thirrur nga 42 deputetët.

Kjo seancë ishte thirrur për të miratuar rezoluten dhe ekipin negociator të negociatave me Serbinë, shkruan portali arbresh.info

Deputetja e Lëvizjes Vetëvendosje, Albulena Haxhiu, thotë se për të bërë votat e mjaftueshme për miratimin e kësaj rezolute po angazhohet edhe kryetari i Kuvendit të Kosovës, Kadri Veseli.

Ajo në profilin e saj ka publikuar një fotografi ku shihet Veseli teksa bisedon në telefon brenda sallës së Kuvendit, ndërsa seanca vazhdon të mos hapet.

“Edhe Kadri Veseli në aksion për t’i bërë votat për rezolutën. Kjo flet më shumë se gjithçka tjetër! Mos qofshim në lëkurën e atyre që ikën nga VV për t’ja bërë argatin Thaçit!”, ka shkruar Haxhiu në profilin e saj në facebook.

https://www.facebook.com/arbresh.info/videos/340098833478201/

 

 

Shpërndaje në rrjete sociale

Lajmet më të lexuara

Të ngjashme

Foto lajm