Zëdhënësja e Policisë për rajonin e Prishtinës, Fora Ahmeti, ka konfirmuar për Arbresh.info gjetjen e një sasie të eksplozivit në fshatin Mazgit.

Ahmeti ka thënë se rasti ka ndodhur sot rreth orës 14:00.

“Rreth orës 14:00, kemi pranuar informatën për një mjet te dyshimt ne rrugën magjistrale Prishtine – Mitrovice, përkatësisht ne afërsi te fshatit Mazgit”, ka thënë ajo.

Zëdhënësja Ahmeti ka shtuar gjithashtu se janë njësiti i Policisë është duke bërë ekzaminimet e nevojshme.

“Të gjitha njësitet policore te nevojshme për te menaxhuar me një situate te tille kanë dale ne vendin e ngjarjes dhe aktualisht janë duke ndërmarre veprimet e nevojshme operative dhe ato te ekzaminimit”, ka thënë ajo.

Ameti ka kërkuar nga qytetarët të gjejnë rrugë aletrnativë pasi kjo rrugë është e bllokuar

“Aktualisht policia ka bllokuar segmentin rrugore ne fjale përderisa te kryhen veprimet e nevojshme policore, ndërkaq po asiston pjesëmarrësit ne trafik për rrugët alternative. Ndërkohe qe po kryhen veprimet e sipercekura policia ka filluar një hetim preliminar lidhur me rrethanat qe karakterizojnë rastin”, ka përfunduar Ahmeti.

Ndryshe pak minuta më parë Arbresh.info ka raportuar për gjetjen e një sasie të eksplozivit në fshatin Mazgit.

Dëshmitarë i kanë thënë për Arbresh.info se eksplozivi është gjetur në magjistrale Prishtinë-Mitrovicë e më pas është deminuar nga pjesëtarë të Policisë së Kosovës./Arbresh.info/

Lexo edhe: Gjendet eksploziv në Gazimestan