Një simfoni faktorësh, duke përfshirë gjenetikën, hormonet, sëmundjet dhe stresin, mund të shkaktojnë depresion. Tani, shkencëtarët thonë se dieta juaj e përditshme mund të ndikojë edhe në rrezikun për këtë sëmundje mendore.
Një numër gjithnjë e më i madh studimesh, duke përfshirë edhe studimin e parë të kontrolluar në mënyrë të rastësishme në këtë temë, sugjerojnë se zgjedhjet e ushqimit “mund të luajnë një rol në trajtimin dhe parandalimin e çrregullimeve të trurit, veçanërisht depresionin”, sipas një raporti të ri të publikuar në World Journal e Psikologjisë.

Konsumoni sa më shumë këto ushqime, të cilat ndihmojnë që ju ta luftoni depresionin në mënyrën më të mirë të mundshme!

1. Yndyrat e shëndetshme

Këto yndyra që gjenden tek arrat dhe peshku janë thelbësore për shëndetin e trurit dhe mund të luajnë një rol në luftën kundër depresionit. Në një rishikim të madh të studimeve, njerëzit që hanë më shumë peshk kishin një rrezik 17% më të ulët të depresionit sesa ato që hanin më pak peshk. Studimi zbuloi se shtesat e omega-3 të vajit të peshkut nxisin efektet e ilaçeve tek njerëzit me depresion.

2. Dieta mesdhetare

Përmirësoni dietën tuaj të përgjithshme dhe mund të ulni depresionin. Kjo është largpamësia kryesore nga një studim i parë i llojit që shqyrton efektet e një diete të modifikuar të Mesdheut në luftën kundër depresionit. Lidhja midis dietës dhe depresionit është komplekse dhe përfshin disa rrugë dhe procese biologjike, secila prej të cilave është “nën ndikimin e mikrobiotës”, thotë Jacka, autori kryesor i studimit. Për studimin, një grup vendosi marrjen e frutave dhe perimeve të freskëta, drithërave, bishtajoreve, peshqve, mishrat e kuq, vajin e ullirit dhe arrat, ndërkohë që të tjerë morën ëmbëlsira, drithëra të rafinuar, ushqim të skuqur, mish të përpunuar dhe pije me sheqer. Pas tre muajsh, një e treta e atyre në grupin e dietës së Mesdheut raportuan lehtësim të dukshëm të simptomave të depresionit, krahasuar me vetëm 8% të grupit të kontrollit.

3. Ushqime të fermentuara

Kush do të kishte menduar se të tilla ushqime janë ndihmë për shëndetin mendor? Studimet e kafshëve sugjerojnë se disa baktere të gjalla, të njohura si probiotikë, mund të jenë të dobishme në luftën kundër depresionit dhe ankthit. Ushqimet e fermentuara janë të mbushura me baktere të shëndetshme që mendohet se zbusin inflamimin e zorrëve. Siç rezulton, ka një lidhje mes tretjes dhe shëndetit të trurit. Shkencëtarët e quajnë atë “boshtin e trurit”. Kimikate të rëndësishme të trurit, duke përfshirë serotonin, hormon që nxit disponimin, prodhohen në zorrë. Pra, teoria shkon, pa një furnizim të mjaftueshëm të baktereve të zorrëve, gjendja dhe shëndeti juaj mund të vuajë.

4. Çokollata e zezë

Thuaji “Po” çokollatës së zezë! Kakaoja përmban flavonoide, lëndë ushqyese me bazë bimore që është antioksidant i fuqishëm dhe mund të përmirësojë gjendjen tuaj. Në një studim të madh të grave amerikane pa depresion, konsumi i lartë i flavonoideve ishte i lidhur me një rrezik më të ulët të depresionit, sidomos tek gratë e moshuara. Ushqime të tjera të pasura me këto komponime të dobishme bimore përfshijnë çajin, mollët, agrumet, boronicën, dhe qepët.

5. Patatja e ëmbël

Karrota, kungulli dhe patatja e ëmbël marrin ngjyrën e portokallit nga karotenoidet, një lloj antioksidanti që mund të jetë i dobishëm në shmangien e depresionit. Hulumtuesit që pasuan një grup të meshkujve dhe grave të moshuara në Itali për gjashtë vjet zbuluan se nivelet e ulëta të karotenoideve në gjak shoqëroheshin me simptoma depresive. Një studim i veçantë i burrave dhe grave në SHBA zbuloi një lidhje mes niveleve më të mëdha të karotenoideve dhe optimizmit. Studiuesit nuk ishin në gjendje të gjnein shkakun dhe efektin. Por, ata dyshojnë se njerëzit optimistë hanë dieta më të shëndetshme dhe njerëzit me shëndet më të mirë fizik janë më optimist.