Trupat e armatosura izraelit kanë hyrë në zyrat e agjencisë zyrtare të lajmeve Wafa në Ramallah, thonë dëshmitarët okularë.

Një zyrtar ushtarak izraelit në qytetin e Bregut të Pushtuar Perëndimor të Ramallahut ka mbajtur gazetarët brenda një dhome në ndërtesë dhe u ka hedhur gaz lotsjellës atyre, transmeton portali arbresh.info.

Përleshjet shpërthyen mes të rinjve palestinezë dhe ushtrisë izraelite në afërsi të selisë së agjencisë së lajmeve  pas bastisjes.

Ushtria izraelite përdori municione të gjalla, plumba metali të veshur me gome, bomba të forta dhe bomba lotsjellës për të shpërndarë të rinjtë.

Shoqata e Gjysmëhënës së Kuqe palestineze tha se ekuipazhi i saj ka ofruar trajtim mjekësor ndaj dy palestinezëve të plagosur me plumba të gjalla, katër të plagosur nga metali të veshur me gome dhe 32 të tjerë që pësuan mbytje për shkak të gazit lotsjellës.

Ndërkohë, Ministria palestineze e Shëndetësisë njoftoi të hënën se të paktën 11 demonstrues palestinezë u plagosën nga zjarri izraelit në bregun e Beit Lahisë të Rripit Verior të Gazës.

Ministria tha se demonstruesit u plagosën nga plumbat e gjallë të Izraelit gjatë marshimit të 19-të detar si pjesë e tubimeve popullore palestineze të njohura si “Marshi i Kthimit”.

Të hënën në mbrëmje, dhjetëra palestinezë organizuan një marshim proteste përgjatë kufirit detar të Gazës dhe Izraelit për të kërkuar një fund të okupimit të Izraelit prej dekadash.

Që nga 30 marsi, protestuesit palestinezë në Gaza kanë kërkuar të drejtën për t’u kthyer në shtëpitë dhe fshatrat e tyre në Palestinën historike, nga e cila u dëbuan në vitin 1948 për të hapur rrugën për shtetin e ri të Izraelit./Arbresh.info/