Google ADS

Rama ftesë të re studentëve: Gati për komunikim të hapur

09:07 | 10 Dhjetor 2018
M. A.

Edi Rama ka ftuar studentët dhe pedagogët për dialog në lidhje me kërkesat e tyre.

Kryeministri, Edi Rama ka shkruar sërish sot në rrjetin social “Facebook” teksa fton studentët dhe pedagogët për dialog në lidhje me kërkesat e tyre.

Shefi i qeverisë shkruan se do të jetë drejtpërdrejt në rrjetin social dhe për këtë ka ripërsëritur faktin se të gjithë studentët e interesuar janë të mirëpritur të diskutojnë për shqetësimin e tyre.

“MIRËMËNGJES ?dhe me rikujtesën për komunikimin e hapur, LIVE, sot në 11.00 në këtë faqe, me studentë a pedagogë të interesuar për të dialoguar mbi Universitetin, ju uroj një javë të mbarë?”, shkruan Rama.

Protesta e studentëve vijon prej 6 ditësh para godinës së ministrisë së Arsimit, ndërsa ata kanë adresuar 8 shqetësime duke theksuar se nuk do të ketë dialog pa plotësimin e tyre.

Gjithashtu përmes një shkrese zyrtare, studentët kërkesat e tyre i kanë adresuar edhe tek kreu i qeverisë, Edi Rama si dhe tek kreu i legjislativit, Gramoz Ruçi.

Shpërndaje në rrjete sociale

Lajmet më të lexuara

Të ngjashme

Foto lajm