Nënkryetari i PSD-së, Dardan Sejdiu ka thënë se ky subjekt tashmë është i gatshëm për zgjedhje dhe se po shtrihet në shumë komuna të Kosovës.
“Potencialin maksimal që ne e kemi nuk mund të arrijmë, por marrim numrin e njëjtë të deputetëve. Besoj se qytetarët e Republikës së Kosovës vlerësojnë ofertën politike për të dalë nga gjendja ekonomike e sociale”.
Sejdiu në “Debat Plus” me Ermal Pandurin në RTV Dukagjini ka thënë se PSD-ja me punën në Kuvendin e Kosovës, ka dëshmuar se mund të prodhojë përmbajtje për të përmirësuar gjendjen ekonomike e sociale.
Ai ka thënë se nëse nuk ndryshohet shpërndarja e buxhetit, PSD-ja nuk e voton.
“Duhet trajtohen skemat sociale. 22 për qind e buxhetit shkon në skemat sociale. 20 Për qind e buxhetit shkon për 7 për qind të popullatës ndërsa 30 për qind e popullatës marrin 3 për qind të buxhetit…këto çështje duhet trajtuar”.
Nënkryetari i PSD-së ka folur edhe për ish subjektin e tij politik, Lëvizjen Vetëvendosje.
Ai ka thënë se në këtë subjekt politik kanë ekzistuar komitete të lëmive të ndryshme, të cilët kanë bërë punë të mëdha, ndërsa sipas tij Albini ka bërë zëdhënësin në Vetëvendosje.
“Shumë punë të mëdha kanë bërë njerëzit në Vetëvendosje. Aty ka pasur komitete për ekonomi, ata kanë bërë diçka. Albini ka bërë zëdhënësin e asaj teme”, tha deputeti i PSD-së, përcjell Telegrafi.
Sejdiu duke iu referuar Albin Kurtit, thotë se nuk beson se ka njerëz të gjithëdijshëm pavarësisht se dikush në Vetëvendosje mund të besoj një gjë të tillë.
“Dikush beson që dikush është i gjithëdijshëm. Atëherë kemi probleme fondamentale…”, tha mes tjerash Dardan Sejdiu- nënkryetar i PSD-së.
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...
Vrasja në Mitrovicë/ Policia kontrollon banesën e të dyshuar...
“Kërkesa e Vuçiqit për kthim të veriut në “gjendjen e mëpar...
Lamine Yamal aktualisht më shumë paguhet nga Adidas se nga B...