Malcom mungon për 10 deri në 15 ditë

17:33 | 6 Dhjetor 2018
Arbresh Info

Trajneri i Barcelonës, Ernesto Valverde do të jetë në mungesë të shërbimeve të sulmuesit brazilian Malcom për dy javët e ardhshme.

Skuadra katalunase ka lëshuar një deklaratë sot (e enjte) duke konfirmuar që sulmuesi ka ndrydhur kyçin e këmbës së djathtë dhe pritet të jetë jashtë linjave nga 10 deri në 15 ditë, transmeton portali arbresh.info.

Lëndimi detyroi ish lojtarin e Bordeauxit të largohet nga fusha në minutat e fundit të fitores së mërkurës ndaj Cultural Leonesas.

Ai do të mungojë në dy ndeshjet e ardhshme në kuadër të La Ligas – Espanyolit dhe Levantes, si dhe nuk do të jetë në dispozicion as për takimin në Ligë të Kampionëve me Tottenham Hotspurin.

Mbetet të shihet nëse do të jetë në gjendje të luaj ndeshjen e fundit për këtë vit më 22 dhjetor kundër Celta Vigos në Camp Nou për shkak se gjithçka varet nga rikuperimi i tij.

Malcom u largua nga fusha i mërzitur pas lëndimit në këtë ndeshje ku 21-vjeçari shënoi një gol dhe krijoi shumë mundësi për skuadrën e tij./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm