Nëse qëllimi juaj është të bëheni miliarder, atëherë më mirë është të zgjedhni të studioni inxhinieri ose të gjeni një punë si agjent i shitjes.

Të paktën kështu thonë hulumtimet nga agjencia britanike e rekrutimit ‘Aaron Wallis Sales Recruitment’, e cila e ka ekzaminuar listën e revistës ‘Forbes’ me 100 personat më të pasur në botë për të zbuluar se çfarë ata kanë studiuar, cila ka qenë puna e parë e tyre, dhe sa të pasur janë bërë, transmeton Telegrafi.

53 nga 100 personat më të pasur gjithashtu kishin filluar të punonin në një biznes jo familjar, ku 19% kishin punuar në rolin e agjentit të shitjes dhe 17% kishin filluar si tregtar aksionesh.

Njëkohësisht, 17 nga top 100 miliarderët në botë e kishin filluar karrierën duke e krijuar biznesin e tyre.

Këto janë pesë drejtimet universitare më të zakonshme që zgjedhen nga miliarderët:

1: Inxhinieri – 22 nga 100 miliarderët më të pasur në botë kanë diplomë në këtë fushë

2: Biznes – 16 nga 100 miliarderët më të pasur në botë kanë diplomë në këtë fushë

3: Financa dhe Ekonomi – 11 nga 100 miliarderët më të pasur në botë kanë diplomë në këtë fushë

4: Drejtësi – 6 nga 100 miliarderët më të pasur në botë kanë diplomë në këtë fushë

5: Shkenca kompjuterike  – 4 nga 100 miliarderët më të pasur në botë kanë diplomë në këtë fushë

Dhe këto janë pesë punët e para që i kanë bërë miliarderët para se të bëheshin kush janë sot:

1: Agjent i shitjes – 10 nga top 100 miliarderët më të pasur në botë e kanë pasur profesion si punën e tyre të parë

2: Tregtar aksionesh – 9 nga top 100 miliarderët më të pasur në botë e kanë pasur profesion si punën e tyre të parë

3: Zhvillues softueri – 5 nga top 100 miliarderët më të pasur në botë e kanë pasur profesion si punën e tyre të parë

4: Inxhinier – 5 nga top 100 miliarderët më të pasur në botë e kanë pasur profesion si punën e tyre të parë

5: Analist – 4 nga top 100 miliarderët më të pasur në botë e kanë pasur profesion si punën e tyre të parë

Rob Scott, drejtor në kompaninë ‘Aaron Wallis Sales Recruitment’ ka deklaruar: “Sot jemi duke e parë se pothuajse të gjithë njerëzit më të rëndësishëm në biznes janë të diplomuar dhe se diploma mund të jetë hapi i parë për t’ju përgatitur për karrierën që ju pret”.