Kanceri në mushkëri është ndër llojet më të zakonshme të kancerit, prandaj edhe është e rëndësishme t’i dimë të gjitha shenjat dhe simptomat.

Përveç se mund të ngatërrohen me sëmundje tjera, simptomat e kancerit të mushkërive kanë tendenca të mos jenë shumë të qarta derisa tumori në mushkëri të jetë rritur dhe të është shpërndarë jashtë mushkërive.

Simptomat përfshijnë:

– Kollitjen e vazhdueshme
– Problemet me frymëmarrje
– Dhimbjet në gjoks
– Ndiheni të lodhur
– Ju ka humbur apetiti
– Keni humbur peshë
– Ju është ndryshuar zëri
– Keni gjak në mukozë ose gëlbazë

Ndonëse kolli është një nga simptomat më të zakonshme të kancerit të mushkërive, gjithashtu kolli mund të shkaktohet edhe nga pirja e duhanit, alergjitë, infeksionet, etj.

Prandaj, si mund ta dini nëse kolli që keni është i lidhur me kancerin në mushkëri? Epo, keni parasysh këto shenja:

– Kolli i cili shkaktohet nga kanceri shkakton më shumë dhimbje
– Mund të ketë tingëllimë tjetër
– Mund të nxjerrë mukozë ose gëlbazë me ngjyrë

Nëse tumori është rritur dhe shpërndarë jashtë mushkërive, ju mund të zhvilloni edhe simptoma të ndryshme.

P.sh., kanceri i mushkërive mund të shpërndahet në nyjat limfatike – sistem i tubave dhe gjëndrave në trup që e filtrojnë lëngun trupor dhe ndihmojnë në luftimin e infeksioneve.

Në këtë rast, simptoma më e zakonshme që tregon se kanceri është shpërndarë në nyjat limfatike është se ato janë më të madhe sesa normalisht.

Nëse kanceri i mushkërive është përhapur në mëlçi, atëherë ju do të ndjeni dhimbje ose parehati në anën e djathtë të barkut, do të ndjeheni të sëmurë, do të keni apetit të dobët, do të humbni peshë, do të keni zverdhje të lëkurës dhe zbardhim të syve.