Agjencia e Statistikave të Kosovës (ASK), bën të ditur se indeksi i tërësishëm i çmimeve të importit në Kosovë u ngrit 0.8 për qind në tremujorin e tretë të këtij viti krahasuar me tre muajt paraprak maj-qershor.
Të dhënat e ASK-së thonë se në muajt korrik-shtator, rritje më të lartë të çmimit patën sektorët e prodhimeve minerale, këpucëve dhe lëkurës.
“Ngritje më të mëdha të çmimeve sipas sektorëve ishte te: prodhimet minerale (5.6 %), këpucët (4.8%), lëkura dhe artikujt prej saj (2.5%), prodhimet e industrive kimike (1.8%), plastika, kauçuku dhe artikujt prej tyre (1.7%), artikujt e ndryshëm të prodhuar (1.5%), shtazët e gjalla dhe prodhimet prej tyre (1.4%), artikujt e gurit, llaçit, prodhimet e qeramikës dhe të qelqit (0.8%), artikujt ushqimorë të përgatitur, pijet dhe duhani (0.6%), instrumentet optike, fotografike, matëse, madicinale dhe muzikore, si dhe mekanizmat e orës (0.5%), letrat dhe artikujt prej saj (0.2%); mjetet e transportit (0.1%) dhe druri dhe artikujt e drurit (0.1%).”, thuhet ë komunikatë.
Sipas ASK-së, ngritja u neutralizua, kryesisht nga rënia e çmimeve sipas sektorëve te prodhimet bimore -6.9 për qind, tekstili dhe artikujt prej tij -2.7 për qind, pajisjet e makinerisë dhe elektrike -0.8 për qind, vajrat ushqyese -0.3 për qind dhe metalet bazë dhe artikujt prej tyre -0.1 për qind.
Tutje në të dhënat e ASK-së thuhet se krahasuar tremujorin e tretë 2018-të me tremujorin e dytë 2017-të, çmimet e importit u ngritën në një mesatare prej 2.2 për qind .
Ngritje më të mëdha sipas sektorëve ishin te: prodhimet minerale 20.5 për qind, plastika, kauçuku dhe artikujt prej tyre 5.7 për qind; druri dhe artikujt prej tij 3.9 për qind, artikujt e gurit, llaçit, prodhimet e qeramikës dhe të qelqit 2.8 për qind, metalet bazë dhe artikujt prej tyre 2.3 për qind, prodhimet e industrive kimike 2.0 për qind, mjetet e transportit 1.4 për qind, lëkura dhe artikujt prej saj 1.0 për qind; vajrat ushqyese 0.2 për qind, dhe instrumentet optike, fotografike, matëse, madicinale dhe muzikore, si dhe mekanizmat e orës 0.2 për qind.
Rënia e çmimeve të prodhimet bimore, këpucët dhe te letra me produktet e saj ndikoj në neutralizimin e rritjes së çmimeve për produktet tjera
“Ngritja u neutralizua, kryesisht nga rënia e çmimeve sipas sektorëve te: prodhimet bimore(-14.2%); këpucët (-10.0%); letra dhe artikujt prej saj (-7.3%); tekstili dhe artikujt prej tij (-3.9%); shtazët e gjalla dhe prodhimet prej tyre (-2.2%); artikujt ushqimorë të përgatitur, pijet dhe duhani (-1.1%); pajisjet e makinerisë dhe elektrike (-1.1%) dhe artikujt e ndryshëm të prodhuar(1.5%).”, bën të ditur komunikata.
Hetimi i brendshëm konstaton mangësitë në atentatin ndaj Tru...
Begaj në Ditën e Paqes: Bota është trazuar në mungesë të saj
Sulmuan fizikisht zyrtarët policorë, arrestohen tre persona ...
Sekuestrohen barna pa banderola me vlerë 1500 euro, arrestoh...
Serbia përgatit 500 trupa për ndërhyrje në veri, Shala: Nuk ...
PSG refuzon t’i paguajë shifrën marramendëse Mbappes