Gjykata Themelore në Prishtinë nuk ka mundur të shpallë një verdikt ndaj pesë të akuzuarve për terrorizëm prandaj vendosi ta rihapë rastin në ditën kur pritej shpallja e aktgjykimit.
Vendimi për rihapjen e procesit u dha në kohën kur të akuzuarit dhe publiku prisnin aktgjykimin.
Pas këshillimit dhe votimit trupi gjykues në krye me gjykatësin Naser Foniqi dhe dy gjykatësit e tjerë Hamdi Ibrahimi dhe Agim Kuçi kanë marrë vendim që të hapet përseri shqyrtimi gjyqësor.
Arsyeja e rihapjes së shqyrtimit gjyqësor u bë për shkak se sipas kryetarit të trupit gjykues, prokurori i rastit Afrim Shefkiu duhet t’i qartësojë disa detaje në lidhje me veprimet e të akuzuarve kundrejt veprave penale të cilat u vihen në barrë.
Seanca e sotme u ndërpre dhe e njëjta u caktua për datën 14 janar 2019.
Në këtë proces Valon Shala, Ardian Mehmeti, Genc Selimi, Nuredin Sylejmani dhe Musli Hyseni akuzohen për organizimin dhe drejtimin e një grupi terrorist, pjesëmarrjen në grup terrorist, përgatitjen e veprave penale terroriste, prodhimin e paligjshëm të materialeve shpërthyese, posedimin e paligjshëm të armëve dhe të eksplozivëve, nxitjen e urrejtjes fetare, sulmin e rëndë në territorin e Kosovës, si dhe kryerjen e terrorizmit brenda territorit të Sirisë./kallxo.com/
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...