Gruevski u arratis përmes Shqipërisë, Felaj thotë se çështja është nën hetim

15:00 | 4 Dhjetor 2018
A. B.

Kryetarja e Komisionit për Sigurinë Kombëtare, Ermonela Felaj u pyet sot për mënyrën se si ka hyrë në Shqipëri ish kryeministri Maqedonas Nikolla Gruevski.

Nga pika e kalimit kufitar të Hanit të Hotit, ku së bashku me deputetet e mazhorancës, inspektoi investimin e ri të bërë në këtë doganë, Felaj tha se kjo çështje është nën hetim.

“Këtë përgjigje nuk mund ta jap si kryetare e komisionit të sigurisë. Më përpara kam qenë prokurore dhe për këtë përgjigje mund të japin vetëm organet e hetimit si ka ndodhur kalimi, nga ka hyrë apo nëse ishte apo jo në kërkim në momentin kur ka kaluar përmes Shqipërisë.

Nuk është një çështje objekt i deputetëve të komisionit të sigurisë.

Nga sa kemi parë në media çështja po hetohet..”, tha ajo.

 

Shpërndaje në rrjete sociale

Lajmet më të lexuara

Të ngjashme

Foto lajm