Shefja e Zyrës së BE-së për Kosovën, Nataliya Apostolova, ka takuar deputetët e Listës Serbe.
Deputetët e Listës Serbe, të cilët janë duke qëndruar në zyrat e tyre në Kuvendin e Kosovës, që 24 orë, para pak çastesh janë takuar me shefen e Zyrës së Bashkimit Evropian për Kosovën, Nataliya Apostolova, shkruan lajmi.net.
Deputetët serbë në këtë takim i janë ankuar Apostolovës për vendimin e Qeverisë së Kosovës në lidhje me taksën doganore prej 100 për qind ndaj mallrave të Serbisë, taksë kjo të cilën deputetët serbë e kanë cilësuar si kërcënim për mbijetesën e serbëve të Kosovës.
Në këtë takim, Apostolova ua ka konfirmuar deputetëve të Listës Serbe, se kërkesa e tyre për tu takuar me Komisionerin Evropian për Politika të Fqinjësisë dhe Negociata të Zgjerimit, Johannes Hahn, është pranuar mirëpo, për shkak të agjendës dhe ndryshimit të orarit të takimeve nuk dihet nëse Hahn do të mund t’i takojë, raporton lajmi.net.
Nënkryetari i Listës Serbe, Igor Simiq, i ka thënë Apostolovas se ata kërkojnë një takim me komisionerin Hahn, në mënyrë që ta paralajmërojnë direkt atë për vendimin e Qeverisë së Kosovës, vendim të cilin ai e quajti kërcënim të drejtpërdrejtë për serbët e Kosovës. /Lajmi.net/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...