“Hoxhaj nuk duhet të shqetësohet për Republikën Serbe dhe Bosnjën Hercegovinën, mos të na lidhë me Kosovën, sepse ne kemi Marrëveshjen e Dejtonit, institucionet tona dhe ne kurrë nuk kemi bërë asgjë që është kundër ndonjërit në rajon”, tha Crnadak për agjencinë Beta, përcjell lajmi.net.

Ai vlerësoi se deklarata e Hoxhës konfirmon se “strategjia e re e Prishtinës është të vazhdojë me radikalizim total në rajon” dhe se në këto trazira politike dhe të sigurisë, siç theksoi ai, po përpiqet të arrijë qëllimet e tij.

“Ndërsa të gjithë në rajon janë të angazhuar në bashkëpunimin dhe ndërtimin e besimit të ndërsjellë, Prishtina fut taksa të çmendura në 100 për qind, krijon pakte armiqësore dhe krijon çrregullime në rajon”, theksoi Ministri i Jashtëm i BiH.

Crnadak gjithashtu shtoi se ” “nuk e di se çfarë duhet të ndodhë tjetër që Brukseli të veprojë me vendosmëri dhe të mbrojë vlerat demokratike dhe të ardhmen evropiane të Ballkanit nga gjëra të këtilla”.

Hoxhaj, në një deklaratë për të përditshmen kroate “Vecernji List”, tha se presidenti serb Vuçiq “nuk ka hequr dorë nga bashkimi i Republikës Serbe me Serbinë”.

“Serbia kurrë nuk ka hequr dorë nga bashkimi i Republika Srpska në Serbi … Ajo që Aleksandër Vuçiq luan për demarkacionin dhe zëvendësimin e territoreve, qëllimi i tij nuk është Kosova, por Bosnje dhe Herzegovina, që është Republika Srpska”, tha ai.

“Demarkimi, apo shkëmbimi i territoreve do ta hapte kutinë e Pandorës, dhe Vuçiq do t’ia bashkëngjiste Republikën Srpska, Serbisë. Kjo është arsyeja pse duhet të jemi shumë të kujdesshëm”, ka thënë Hoxhaj.