Edhe pse ka pak muaj që është bërë pjesë e familjes mbretërore, Meghan Markle duket e vendosur t’i bëjë gjërat sipas mendjes së saj dhe të kundërshtojë çdo rregull të imponuar nga oborri ndër vite.
Kjo u kuptua që në dasmën e saj me princ Harry-n, e cila nuk ndodhi në një ditë jave, por të shtunën e 19 majit, shfaqjet në publik të dashurisë apo zgjedhjet guximtare të dukeshës së Sussex-it përsa i përket veshjeve në turin e parë mbretëror në Australi.
Vetëm pak ditë më parë, qarkulloi lajmi se Meghan dhe Harry duan të jetojnë larg pjesës tjetër të familjes, kurse dje shtypi britanik u hap me një tjetër titull ‘’Meghan Markle ka vendosur të bëjë lindje natyrale në shtëpi’’. Burime pranë ‘’Vanity Fair’’ bëjnë me dije se dukesha e re nuk ka ndërmend aspak të ndjekë shembujt e vjehrrës së saj Lady Diana, apo kunatës së madhe Kate Middleton, të cilat kanë sjellë fëmijët e tyre në jetë në Saint Mary’s Hospital në Londër. Ajo dëshiron të shmangë me çdo kusht kaosin londinez, apo traditën e të bërit publik trashëgimtarin/trashëgimtaren e re vetëm pak orë pas lindjes.
Ndërkohë për kujdesin e fëmijës, do të ngarkohet mamaja e saj, Doria Ragland. Nuk e dimë se çfarë mendimi ka mbretëresha Elizabeth për të gjitha këto, por Meghan duket e vendosur të qëndrojë larg rregullave strikte.
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...