Ditën e martë, katër kryetarët e komunave të Mitrovicës Veriore dhanë dorëheqje.
Kjo për shkak të rritjes së taksës nga Qeveria e Kosovës në 100%. Si arsye ata përmendën edhe tentim-arrestimin e Milan Radojiçiq.
Përkundër se kanë kaluar tre ditë, deri më tani nuk ka asnjë deklaratë nga kryeministri dhe qeveria, shkruan Insajderi.
Ditën e martë, Haradinaj kishte thënë se do të flasë një ditë më vonë për këtë temë.
“Jam tash me disa detyra dhe nesër do bisedojmë bashkë”, tha Haradinaj.
Këto komente ai i bëri pas akademisë përkujtimore me rastin e rivarrimit të dëshmorëve të kombit, Ilir Konushevci dhe Hazir Malaj.
Por, shefi i ekzekutivit as dje, dhe as sot nuk e ka thënë asnjë fjalë për dorëheqjen e kryetarëve serbë.
As nga Qeveria deri më tani nuk kanë dhënë ndonjë përgjgje.
Ndryshe nga dorëheqja e kryetarëve serbë, zyra për informim e qeverisë ka komentuar për iniciativën e Agim Bahtirit për “bashkimin e Mitrovicës”.
Qeveria e Kosovës nuk është në dijeni për iniciativën e kryetarit të Komunës së Mitrovicës Agim Bahtiri për “bashkimin” e kësaj Komune.
Të paktën kështu ka bërë të ditur Donjeta Gashi, zëdhënëse e Qeverisë.
“Pak më herët kemi marrë një njoftim nga mediat, nuk jemi në dijeni ende nuk e kemi diskutuar shumë shpejtë do ta shikojmë dhe do të dalim me qëndrim”, ka thënë Gashi.
Ndryshe veç dorëheqjeve, serbët e Kosovës kanë paralajmëruar edhe radikalizim të hapave. /Insajderi.com/
Vdes personi që u plagos sot në Mitrovicë
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...