Unai Emery humbi dy ndeshjet e tij të para si trajner i Arsenalit duke u mposhtur nga Manchester City dhe Chelsea.

Megjithatë, që nga atëherë, Arsenali nuk ka humbur asnjërën nga 11 ndeshjet e tyre të fundit në Premierë Ligë, transmeton portali arbresh.info.

Arsenali aktualisht qëndron në pozitën e pestë në ligë me vetëm një pikë larg pozitës që i siguron atyre kualifikimin në Ligë të Kampionëve.

Arsenali është gjithashtu në krye të grupit të tyre në Evropa Ligë dhe arriti të mposhtë Brentfordin në takimin e tyre të vetëm brenda këtij sezoni në League Cup.

Në ndeshjen e tyre të fundit ata kanë siguruar fitore me rezultat 2 me 1 ndaj Bournemouthit larg shtëpisë. Kjo ishte fitorja e katërt e Arsenalit si mysafirë këtë sezon, shifër e njëjtë me atë të përgjithshme brenda 19 ndeshjeve nën udhëheqjen e Arsene Wengerit sezonin e kaluar.

Po ashtu, kjo ishte ndeshja e 17-të që Arsenali ka shkuar pa pësuar humbje në të gjitha kompeticionet.

Ky është rekordi më i mirë në top pesë ligat evropiane.

Mustafi, një pikë e dobët për Arsenalin

Megjithatë, edhe pse Arsenali ka vazhduar i pamposhtur, mbrojtja e “Topçinjve” nuk ka qenë edhe aq e mirë këtë sezon, transmeton portali arbresh.info.

Ata kanë pranuar 16 gola brenda 13 ndeshjeve në ligë dhe duhet të përmirësohen dukshëm në rast se dëshirojnë të përfundojnë në top katërshe. Një nga pikat e dobëta te Arsenali prapa në mbrojtje është duke u vlerësuar futbollisti shqiptar – Shkodran Mustafi.

Mustafi ka bërë disa gabime këtë sezon dhe si rezultat i kësaj, Alan Smith pret që Unai Emery të zëvendësojë reprezentuesin e Gjermanisë shumë shpejtë.

Duke folur rreth lojtarit shqiptar, Smith tha:

“Më pëlqen se si luan Rob Holding. Ai ka qenë i pranishëm në fushë te skuadra e tij, gjë që ka qenë vitale për zhvillimin e tij dhe besimin”

“Nuk është lehtë të luash së bashku me Shkodran Mustafin në qendër të mbrojtjes sepse gjermani është shumë i paparashikueshëm”

“Dhe nuk do të ishte befasi nëse Arsenali e bënë prioritet nënshkrimin me një qendërmbrojtës para se të bëhet vonë”

21-vjeçari Ezri Konsa i Brentfordit është duke u përmendur si një zëvendësues i Mustafit së fundmi./arbresh.info/