Google ADS

Kuvendi i hoqi imunitetin Nikolla Gruevskit

18:08 | 27 Nëntor 2018
A. B.

Me 62 vota për, asnjë kundër, asnjë abstenim dhe në mungesë të deputetëve të VMRO-DPMNE-së në sallë, Kuvendi i Republikës së Maqedonisë i hoqi imunitetin e deputetit ish-kryeministrit maqedonas Nikolla Gruevski.

Në sallën plenare nuk ishin të pranishëm deputetët opozitarë të VMRO-DPMNE-së, kryetar nderi i së cilës është Gruevski, ndërsa për kërkesën e gjykatës për paraburgim të tij nuk pati debat.

Më herët gjatë ditës së sotme, Komisioni për Çështje të Rregullores, Mandatit dhe Imunitetit, me pesë vota pro i miratoi gjashtë kërkesat e gjykatës për marrjen e imunitetit të deputetit për shkak të masës së arrestit ndaj ish-kryeministrit Gruevski, i cili u arratis nga Maqedonia dhe mori azil në Hungari.

 

Shpërndaje në rrjete sociale

Lajmet më të lexuara

Të ngjashme

Foto lajm