Chrsitan Panucci ka dhënë vlerësimin e tij për punën e Santiago Solarit te Real Madrid.

Trajneri i Shqipërisë dhe ish-mbrojtësi i Real Madridit, Christian Panucci, ka thënë se ai beson në punën e Snatiago Solarit.

Madje, ai ka shtuar se trajneri argjentinas mund ta arrijë suksesin e Zinedine Zidanes, duke fituar tri herë rresht Ligën e Kampionëve.

“Zidane ka fituar tre Liga të Kampionëve! Kur ju bëni këtë, ju duhet të jeni të mirë.  Shpresoj Solari ta bëjë atë, dhe të fitojë aq sa Zizou”, tha Panucci për ‘Goal.com.

“Kur një trajner i ri bën gjëra të mira, është mirë për të gjithë. Është më e lehtë për të trajnuar Real Madridin sesa Romën apo Shqipërinë.

“Ai ka një shans të madh për të bërë një punë të mirë. Ai fitoi katër ndeshje dhe iu dha një kontratë deri në vitin 2021. Ai duhet të marrë shansin, sepse është një mundësi e mrekullueshme.

“Ne kemi parë tashmë atë që Zizou bëri me një skuadër të vërtetë të mirë. Është gjithmonë më e lehtë në atë rast sesa nëse keni lojtarë mesatarë”, ka shtuar më tej trajneri Italian që aktualisht është në krye të Kombëtares së Shqipërisë.