Presidenti i Këshillit Europian Donald Tusk dhe Kryeministri i Spanjës Pedro Sanchez ranë të shtunën dakord për një marrëveshje për të ardhmen e Gjibraltarit, një ditë para takimit të BE-së, që synon miratimin e marrëveshjes për Brexit-in.
Spanja kërkonte ndryshim të marrëveshjes mbi marrëdhënien e re mes BE-së dhe Britanisë si dhe një deklaratë shoqëruese ku të thuhet se e ardhmja e Gjibraltarit do të vendoset falë bisedimeve të drejtpërdrejta ndërmjet Madridit dhe Londrës. Spanja ka ende pretendime mbi këtë territor që i është dorëzuar Britanisë në 1713.
Kryeministri spanjoll Sanchez kishte paralajmëruar se do ta bojkotonte takimin e së dielës, në se Londra dhe vendet anëtare të BE-së nuk do të konfirmonin të drejtën e vetos lidhur me një marrëveshje në të ardhmen për Gjibraltarin.
Marrëveshja u arrit të shtunën në mëngjes, pasi negociatorët britanikë dhe spanjollë biseduan gjatë natës me zyrtarët europianë./VOA
“Hajde pimë kafe, mos e keni ftohtë”, Kajtazi tregon se si e...
Akuza e Harrisit: Trump, si Hitleri, me gjeneralët e ushtris...
Porosia e Buzhalës për shefin e AKI-së: Nuk na tutni, rrini ...
Kajtazi: Në AKI ekziston struktura paralele që i shërben pus...
Krasniqi: Bedri Hamza është kryeministri më i mirë që Kosova...
Ukrainë thotë ushtarët koreanoveriorë janë zhvendosur në Kur...