Kosovarët protestojnë në Londër, në protestë edhe deputetja e Vetëvendosjes

18:45 | 24 Nëntor 2018
Arbresh.info

Komuniteti shqiptar në Britani të Madhe ka zhvilluar gjatë ditës së sotme disa aktivitete para ambasadës kosovare atje.
Ky komunitet ka kundërshtuar idenë e presidentit të Kosovës për korrigjim të kufijve mes Kosovës dhe Serbisë.

“Dikur gjaku rridhte si lum, sot toka shitet pafund”, “Bashkim me Shqipërinë jo me Serbinë”, kanë qenë vetëm disa nga sloganet e kësaj proteste.

Tek ambasada kosovare në Britani të Madhe gjatë këtij aksioni është parë edhe deputetja e Lëvizjës Vetëvendosje, Fitore Pacolli.

Kujtojmë që presidenti i Kosovës, Hashim Thaçi është duke insistuar në korrigjimin e kufijve mes Kosovës dhe Serbisë. Ide kjo që ish-kryenegociatorja Edita Tahiri ka pranuar se Serbia kishte kërkuar disa herë të flitet për një çështje të tillë.

Megjithatë, kryeministri i Kosovës, Ramush Haradinaj vazhdon ta kundërshtojë këtë ide duke e quajtur si plan të vdekur. Pikërisht kjo çështje ka përplasur presidentin dhe kryeministrin./Insajderi.com

Shpërndaje në rrjete sociale

Lajmet më të lexuara

Të ngjashme

Foto lajm