Ministri i jashtëm turk, Mevlut Çavushoglu, e ka akuzuar presidentin Donald Trump se i ka mbyllur sytë para vrasjes së gazetarit Jamal Khashoggi. Presidenti amerikan e kishte nënvlerësuar një raport të CIA-s, në të cilin thuhet se princi saudit e ka urdhëruar personalisht vrasjen e gazetarit.
“Në një mënyrë, qëndrimi i presidentit Trump lë të kuptohet se ai do t’i mbyllë sytë para çdo dëshmie për këtë vrasje. Kjo është qasje e gabuar. Paratë nuk janë gjithçka. Ne nuk duhet të distancohemi nga vlerat njerëzore”, deklaroi ministri për degën e CNN-it në Turqi.
Presidenti amerikan është treguar aleati më i fuqishëm ndërkombëtar i princit Salman, pas vrasjes së gazetarit saudit. Ai ka deklaruar se Arabia Saudite është partner strategjik i Shteteve të Bashkuara të Amerikës dhe se prishja e marrëdhënieve me këtë vend do ta shkaktonte humbjen e shumë vendeve të punës.
Ai këtë përkrahje e ka mbështetur edhe në ndikimin e Arabisë Saudite në normalizimin e çmimit të karburanteve. Sidoqoftë, Shtetet e Bashkuara të Amerikës i kanë sanksionuar 17 qytetarë të Arabisë Saudite, të cilët dyshohet se kanë qenë të përfshirë në vrasjen e gazetarit. Në anën tjetër, Turqia ka qenë kritikuesja më e zëshme ndërkombëtare ndaj Arabisë Saudite, duke ofruar dëshmi të shumta për vrasjen e kryer, shkruan “CNN”.
Pesë gjigantët evropianë pas Jonathan David
KFOR-i kryen trajnime për menaxhimin e trazirave dhe kontrol...
Podujeva fiton çmimin ndërkombëtar “Globallocal” për zhvilli...
Hezbollahu lëshon raketa dhe dronë në veri të Izraelit
Shqetësime mbi njoftimet se Koreja e Veriut po dërgon trupa ...
Krasniqi pret në takim deputetin gjerman, diskutojnë për zhv...