Google ADS

Njësia Speciale bastisë apartamentin e Milan Radoiçiqit

08:01 | 23 Nëntor 2018
arbresh.info

Njësia Speciale e Policisë së Kosovës ka bastisur apartamentin e nënkryetarit të Listës Serbe, Milan Radoiçiq, mëson arbresh.info nga burime në veri të vendit.

Milan Radoicic është figurë mjaftë e njohur në mesin e serbëve të Kosovës dhe Beogradit zyrtar.

Vetë disa përfaqësues politik kosovarë kishin përmendur pozitën e tij në Listën Serbë më të fuqishmen, përtej pozitës së vetë liderit Goran Rakiq.

Radoicic është raportuar vazhdimisht se ka lidhje të ngushta me elitat politike në Kosovë dhe Serbi, duke përfshirë Vuçiqin dhe Kryeministrin e Kosovës Ramush Haradinaj.

Radoicic është përballur me akuza ligjore në Serbi disa herë dhe është një bashkëpunëtor i ngushtë i biznesmenëve të diskutueshëm serb të Kosovës, Zvonko Veselinoviç.

Në veri është lëshuar alarmi për mbledhjen e qytetarëve.

Pas pak arbresh.info do të ju raportojë drejtpëdrejt nga vendi i ngjarjes.

Mëngjesin e sotëm pati edhe të arrestuar, si të dyshuar për vrasjen e Oliver Ivanoviqit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm