Franca tha të enjtën se kishte imponuar sanksione, duke përfshirë ndalimet e udhëtimit për 18 qytetarë sauditë që lidhen me vrasjen e gazetarit saudit Jamal Khashoggi dhe paralajmëroi se shumë më tepër do të ndiqen, pavarësisht nga hetimi.
“Vrasja e Khashoggit është një krim me peshë të madhe, e cila shkon kundër lirisë së shtypit dhe të drejtave themelore”, tha ministria e Jashtme në në një deklaratë, transmeton portali arbresh.info
“Franca kërkon që hetimi të nxjerrë të gjitha në dritë dhe pret nga autoritetet saudite për një përgjigjje transparente, të hollësishme dhe të detajizuar”, thuhet në deklaratë.
Ministria tha se 18 shtetasit sauditë do të pengohen që të hyjnë në territorin francez dhe në të gjithë zonën e Shengenit.
Nuk ishte menjëherë e qartë nëse masat kanë në shënjestër të njejtët persona që janë sanksionuar edhe nga qeveria gjermane.
Jamal Khashoggi u zhduk më 2 tetor pasi hyri në konsullatën saudite në Stamboll.
Rijadi ka ofruar shpjegime të shumta kontradiktore për zhdukjen e tij para se të ketë thënë se ai u vra në një operacion mashtrues dhe trupi i tij u shpërbë.
Javën e kaluar, prokurori publik i mbretit tha se pesë zyrtarë sauditë përballeshin me dënimin me vdekje për vrasjen e Khashuolit, por princi Princi i Kurorës Saudite, Mohammed bin Salman, nuk është përfshirë në vrasjen./arbresh.info/kh
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...
Për 300 vende të hapura për rekrutë të rinj, kanë aplikuar 1...