Në një minierë në rajonin e Detit të Zi të Turqisë, tre minatorë kanë mbetur të ngujuar nën tokë dhe dy të tjerë u plagosën pas një shpërthimi, raporton Anadolu Agency (AA).
Shpërthimi ndodhi në një minierë të palicencuar në Kilimli në provincën veriore Zonguldak.
Evren Cinemre dhe Adem Alibas u plagosën nga shpërthimi, i cili duket se është shkaktuar nga kompresimi i gazit metan. Ata u shpëtuan nga kolegët e tyre dhe u larguan nga miniera.
Sipas burimeve spitalore Cinemre dhe Alibas janë në gjendje kritike.
Përpjekjet për shpëtim janë duke vazhduar për tre minatorë të tjerë, Kenan Cavus, Hasan Gencturk dhe Ugur Goktas, të cilët janë bllokuar rreth 50 metra poshtë sipërfaqes.
“Punëtorët janë të arritshëm”, tha prefekti i Zonguldak Erdogan Bektas për gazetarët.
“Ekipi i shpëtimit do të dërgojë oksigjen poshtë, por shpresat se ata janë ende gjallë janë të pakta”, tha Bektas.
Prefekti bëri të ditur se një hetim mbi incidentin është nisur.
Pacolli: Është përfolur se Republika e Togos ka tërhequr njo...
Arrestohet në Jarinjë serbi që ditë më parë pagoi 30 mijë eu...
Gërvalla takon homologun polak: Kosova dhe Polonia me partne...
Njëvjetori i rënies, policia përkujton heroin Afrim Bunjaku ...
Konfirmohet data dhe ora për El Classicon e parë në La Liga
Shefi i Zyrës së BE-së: Autorët e agresionit në Banjskë të d...