Marina amerikane teston dronët, raketat e bombat në shkretëtirën e Kalifornisë

13:34 | 20 Nëntor 2018
A. B.

Marina amerikane ka publikuar një video, ku shihet se si testojnë armët e ndryshme në shkretëtirën e Kalifornisë.

Videoja është realizuar nga Divizioni i Armëve të Forcave Ajrore dhe atyre Detare, njësi kjo përgjegjëse për testimin e armëve të përdorura nga forcat ajrore dhe ato detare.

Në video shihet testimi i dronëve UTAP-22, raketat tokë-ajër (MANPADS), municioni i kontrolluar nga ajri që shkatërron armët e armikut në tokë, bombat që shkatërrojnë bunkerët si dhe raketat Tomahawk.

Testimi i armëve kryhet shpesh nga Stacioni i Armëve të Forcave Detare në liqenin China, liqen ky i thatë në shkretëtirën Mojave në Luginën e Vdekjes.

“Pak vende në botë kanë avantazhet që i kanë këto kodra të shkretëtirës, ku nuk mungojnë as shpellat”, thuhet në komunikatën e forcave detare të ushtrisë amerikane.

 

Shpërndaje në rrjete sociale

Lajmet më të lexuara

Të ngjashme

Foto lajm