Kosova demolon Maltën, shënon edhe golin e pestë

19:43 | 17 Nëntor 2018
Arbresh Info

Kosova e ka shkatërruar në pjesën e dytë rivalin e xhiros së pestë në UEFA Ligë të Kombeve.

“Dardanët” kanë realizuar edhe golin e pestë në takimin si mysafirë kundër Maltës mbrëmjen e sotme (e shtunë), shkruan portali arbresh.info.

Vedat Muriqi kishte realizuar golin e epërsisë në pjesën e parë pas një gabimi në mbrojtje derisa po zhvillohej minuta e 15 para se Benjamin Kololli me një gol të bukur dyfishoi epërsinë për 2 me 0 duke parabolluar portierin në minutën e 70′.

Donis Avdijaj më pas realizoi dy gola të shpjeta menjëherë pas inkuadrimit në minutën e 71′ si një zëvendësues i Arber Zenelit.

Avdijaj hapi llogarinë e tij te skuadra kombëtare me golin e shënuar për 3 me 0 në minutën e 78, por gjeti portën sërish duke realizuar për 4 me 0 vetëm dy minuta më vonë.

Rashica ishte autori i golit të pestë në minutat e fundit pas një paraqitje fantastike. /arbresh.info/

Shikoni më poshtë të gjitha golat:

Shpërndaje në rrjete sociale

Lajmet më të lexuara

Të ngjashme

Foto lajm