Një ndër arsyet se pse njerëzit mund të zihen shpesh kur diskutojnë mbi inteligjencën është besimi se ajo është një gjë me të cilën kemi lindur dhe se askush nuk mund ta ndryshojë.

Kjo e zvogëlon barazinë sociale dhe ushqen lidhjen mes testimeve të inteligjencës dhe eugjenisë, e cila mbetet mjaft e madhe për shumë njerëz, transmeton portali arbresh.info

Megjithatë, është gati një fakt i pashmangshëm se inteligjenca është e trashëguar.

Sipas një studimi të fundit është zbuluar se inteligjenca e fëmijëve të adoptuar në lindje kishte marrëdhënie të pakëta me atë të prindërve adoptues, por në një mënyrë lidhej me atë të prindërve bilogjikë.

“Kjo është kundër intuitave të shumë njerëzve”, tha Robert Plomin nga King’s College në Londër, i cili edhe udhëhoqi studimin.

Studime të shumta deri me tani kanë ardh të njejtin përfundim, se rreth 50 përqind e inteligjencës është gjenetike.

Për shumë vite, kërkimi për gjene të veçanta të inteligjencës u tregua i pafrytshëm. Ndërkaq, kohëve të fundit studimet gjenetike janë rritur shumë dhe janë fuqizuar.

Megjithëse çdo gjen i lidhur me inteligjencën ka vetëm një efekt të vogël në izolim, efekti i kombinuar i gjeneve 500 të çuditshme të identifikuara deri tani është mjaft substancial.

Pra, gjenet luajnë rol të madh, por nuk është se janë fati ynë.

“Gjenetika na jep një plan, ai përcakton kufijtë. Por mjedisi është ai që përcakton se si zhvillohet një person brenda këtyre kufizimeve”, thotë psikologu Rusell Ëarne në Utah Valley University.

Konsideroni peshën si një tipar të trashegueshëm. Fëmijët do të rriten më të shëndetshëm nëse hanë ushqim me vlera. Ngjajshëm është edhe me inteligjencën. Mungesa e jodit gjatë fëmijërësië lidhet me inteligjencë më të ulët.

Ndikimet tjera janë të dukshme, si abuzimi, neglizhimi dhe mospranimi i tyre në shoqëri./arbresh.info/