BATE dhe Chelsea kanë publikuar formacionet zyrtare për ndeshjen mes tyre pasditen e sotme (e enjte).

Të dy skuadrat kanë zbuluar njëmbëdhjetshen startuese për takimin në kuadër të xhiros së katërt në fazë të grupeve në UEFA Evropa Ligë, shkruan portali arbresh.info.

BATE ka fituar vetëm një nga nëntë ndeshjet e tyre të fundit në Evropa Ligë (një fitore, pesë barazime dhe tri humbje) që nga viti 2010, por kundër skuadrave të mëdha si Chelsea në të gjitha kompeticionet evropiane ka rekord pak më të mirë me dy fitore, asnjë barazim dhe katër humbje.

Sa i përket mysafirëve, ata janë në kërkim të fitores së katërt nga katër ndeshjet e zhvilluara deri tani në kuadër të Grupit L. Ata do të konfirmojnë pozitën e parë derisa kanë mbetur edhe dy raunde për të vazhduar në rast se ata fitojnë dhe ndeshja tjetër, mes Vidit dhe PAOK-it në Bundapest, pëfundon me barazim.

Skuadra e BATE-s ka fituar tri ndeshjet e tyre të fundit në ligë dhe të dielën siguruan edhe një tjetër titull në ligën bjelloruse. Megjithatë, ata nuk kanë fituar këtë sezon asnjë ndeshje evropiane të zhvilluar në shtëpi.

“Blutë” kanë mposhtur BATE Borisovin me rezultat 3 me 1 në takimin e tyre të parë dhe rezultati mes tyre pritet të jetë i ngjashëm edhe sonte.

Ndeshja mes dy skuadrave fillon nga ora 18:55./arbresh.info/

https://twitter.com/FCBATE/status/1060573064189095938

https://twitter.com/ChelseaFC/status/1060573887786872834