Man United e përmbysë Juventusin për një fitore të madhe në L.K

23:06 | 7 Nëntor 2018
Arbresh.info

Manchester United ka bërë një përmbysje të jashtëzakonshme për t’i marrë tre pikë nga përballja me Juventusin, skuadër të cilën e mposhtën 1:2 në ‘Allianz Stadium’ në ndeshjen e vlefshme për fazën grupore të Ligës së Kampionëve.

Pjesa e parë e kësaj ndeshje përfundoi 0-0, por pjesa e dytë solli tri gola.

Një pasimi të gjatë të Bonuccit në minutën e 65’ iu përgjigj Cristiano Ronaldo që shënoi me një goditje vollej për epërsinë 1:0 të Juventusit.

Vazhdimi i ndeshjes solli edhe përmbysjen e rezultatit .

Juan Mata në minutën e 86’ shënoi nga gjuajtja e lirë për të barazuar në 1:1 rezultatin.

Goli i fitores shumë të rëndësishme për Manchester United u shënua në minutën e 90’, kur Alex Sandro shënoi në portën e tij pas një tollovie të krijuar në zonën e vendasve.

Pas katër ndeshjeve, Juventusi kryeson në grupin H me nëntë pikë, duke u ndjekur nga United që tani numëron shtatë pikë

Shpërndaje në rrjete sociale

Lajmet më të lexuara

Të ngjashme

Foto lajm