Trajneri i Juventusi, Massimiliano Allegri ka paralajmëruar tifozët e klubit që të mos largohen para ndeshjes së nesërme.

“Zonja e Vjetër” mund të kualifikohet në fazën eliminuese të UEFA Ligës së Kampionëve në rast të fitores kundër Manchester United mbrëmjen e së mërkurës, transmeton portali arbresh.info.

“Në këtë moment, gjërat janë duke shkuar mirë, por ne nuk kemi fituar trofe deri tani”, ka paralajmëruar Max Allegri në një konferencë për shtyp para ndeshjes kundër “Djajve të Kuq”.

“Nesër ne mund të arrijmë objektivin tonë të parë, ose si fitues të grupit ose thjeshtë si të kualifikuar dhe më pas ne do të kemi edhe dy ndeshje në rast se do të kemi nevojë për ato për të siguruar vendin e parë”

“Gjëja më e rëndësishme është për të arritur në mars në gjendjen më të mirë dhe mbi të gjitha që të kemi kompetitiv në të gjitha kompeticionet. Kjo përfshinë Superkupën e Italisë, e cila do të luhet kundër AC Milanit më 16 janar”

Kampioni në fuqi i Italisë ka regjistruar fitore me rezultat minimal 1 me 0 në takimin e parë të zhvilluar kundër skuadrës së Jose Mourinhos në Old Trafford.

Lexo edhe: Ibrahimovic refuzon rikthimin në AC Milan?

Goli nga sulmuesi argjentinas Paulo Dybala doli të jetë fitues në ndeshjen që shënoi rikthimin e superyllit Cristiano Ronalds te ish klubi i tij i vjetër.

Takimi mbrëmjen e nesërme, që shënon rikthimin e Paul Pogbas në Torino, do të zhvillohet duke filluar nga ora 21:00./arbresh.info/