Google ADS

Gruevski ka dorëzuar ankesë në Këshilli Penal për shtyrjen e dënimit

17:52 | 6 Nëntor 2018
Arbresh.info

Avokatët e ish-kryeministrit Nikolla Gruevski, i dënuar me dy vjet burg, dje në Këshillin Penal kanë dorëzuar ankesë për shtyrjen e dënimit, pasi që më herët ishte refuzuar kërkesa për shtyrjen e dënimit.

Nga Gjykata Penale për televizionin “Telma” thonë se ata ende nuk e kanë pranuar ankesë nga Nikolla Gruevski për vendimin e gjyqtarit të procedurës paraprake për të formuar dhe për të vendosur Këshilli Penal. Dokumentet jozyrtare janë dërguar nëpërmjet postës dhe po shkojnë drejt gjykatës. Gjykata nuk e përjashton mundësinë që Këshilli Penal, edhe pse ka afat prej tre ditësh, që nesër të merr vendim. Nëse konfirmohet vendimi i gjyqtarit për ekzekutimin e sanksioneve, Gruevski do të duhet të paraqitet në burgun e Shutkës në Shkup ditën e enjte, më 8 nëntor, siç thuhet në aktin e referimit.

Më së voni deri ditëm e premte, Këshilli Penal do të duhet të vendosë nëse Gruevski do të shkojë në burgun e Shutkës ose do t’ia pranojë shtyrjen e aktit referues për më 8 nëntor.

Shpërndaje në rrjete sociale

Lajmet më të lexuara

Të ngjashme

Foto lajm