Leganes dhe Atletico Madridi kanë publikuar formacionet zyrtare për ndeshjen mes tyre pasditen e sotme (e shtunë).

Dy skuadrat spanjolle kanë zbuluar njëmbëdhjetshen e tyre startuese për takimin mes tyre në stadiumin Municipal de Butarque në kuadër të xhiros së njëmbëdhjetë në La Liga, shkruan portali arbresh.info.

Nikoqirët qëndrojnë në pozitën e tretë nga fundi i tabelës, por mund të dalin nga zona e dëbimit vetëm nëse bëhen skuadra e dytë në kampionatin spanjoll që mposhtë Atletico Madridin këtë sezon ndërkohë që kjo e fundit aktualisht qëndron në pozitën e katërt në tabelë me vetëm dy pikë larg Barcelonës si lidere e tabelës.

Forma e tmerrshme e Leganes në ndeshjet si mysafirë vazhdoi edhe të shtunën e kaluar me disfatën 2 me 0 ndaj Levantes duke kaluar kështu në 21 ndeshje pa fitore larg shtëpisë (katër barazime, 17 humbje).

Siç qëndrojnë gjërat, fitorja ndaj Leganes do t’i siguronte Atleticos kreun e tabelës me një pikë më shumë se gjiganti katalunas, që më vonë gjatë kësaj dite do të luaj kundër skuadrës së Rayo Vallecanos.

Skuadra nën udhëheqjen e trajnerit Diego Simeone ka fituar vetëm një nga pesë ndeshjet e tyre të fundit në ligë si mysafirë (tri barazime, një humbje).

Leganes është pa fitore dhe pa gola në katër ndeshjet e tyre të fundit kundër Atleticos (dy barazime, dy humbje).

Ndeshja mes dy skuadrave fillon nga ora 13:00./arbresh.info/

📄 ALINEACIÓN | ¡Estos son los valientes pepineros que defenderán hoy el sueño de una ciudad! 💪 #LeganésAtleti pic.twitter.com/tu4QSVf6Sf

— C.D. Leganés (@CDLeganes) November 3, 2018

🏧 | ALINEACIÓN
👉 ¡Aquí está nuestro once!
👥 ¡Los elegidos por @Simeone para el #LeganésAtleti!
🔴⚪🔴 ¡Vaaaamooos, Atleeeetiiii, vaaaamooooos! 🎶 #AúpaAtleti pic.twitter.com/wsCppNiWqT

— Atlético de Madrid (@Atleti) November 3, 2018