Cristiano Ronaldo nuk pushoi pas fitores së skuadrës së tij ndaj Manchester United pasi në vend të kësaj zgjodhi për të befasuar bashkëlojtarët e tij duke u rikthyer në stërvitje menjëherë në ditën tjetër pas fitores së ndeshjes në Ligë të Kampionëve.

Sulmuesi i Juventusit kishte inspiruar bashkëlojtarët e tij qysh pas transferimit prej 100 milionë euro nga Real Madridi këtë verë dhe tani është bërë një shembull për tu ndjekur për lojtarët në skuadër, transmeton portali arbresh.info.

Linja frontale e Juves nën udhëheqjen e Ronaldos ka qenë impresive këtë sezon dhe prezenca e tij nuk ka kaluar pa u vërejtur nga bashkëlojtarët e tij.

Blaise Matuidi mund të ketë fituar Kampionatin Botëror këtë verë, por beson se skuadra e tij ndihet më e fortë me fituesin e pesëfishtë të Topit të Artë në klub. Duke folur për Ronaldon në një intervistë për ‘RMC’, Matuidi ka përshkruar se si përkushtimi i yllit portugez dhe vendosmëria e tij kanë inspiruar skuadrën për tu përmirësuar:

“Ai është vendimtar gjatë 90 minutave. Ai mund të bëjë gjërat që të tjerët nuk mund t’i bëjnë për të ndihmuar lojën e skuadrës”

“Të gjithë ndihem më të fortë përkrah tij. Ai është një lider në këtë aspekt”

“Ne ishim të gjithë të vdekur nga lodhja pas ndeshjes kundër Manchester United edhe një ditë pas saj, përveç Cristianos”

“Ai ka ushtruar si një i çmendur që nga koha kur ka ardhur këtu. Ai ka qenë këtu më shumë se çdokush tjetër dhe ai më ka thënë se i është dashur të sillej ashtu”

“Kjo është pse edhe në moshën 33 vjeçare, ai ka qenë një shembull për të gjithë ne dhe na ka dhënë më shumë shtytje. Ndikimi i tij nuk është i limituar ndaj punës së tij gjatë javës”

Ylli portugez është vlerësuar si një “makinë” falë stërvitjeve të tij pa pushim dhe përkushtimit për të pasur një mënyrë jetese të shëndetshme./arbresh.info/