Administrata e Trump do te rivendos te gjitha sanksionet amerikane kundër Iranit pas largimit nga marrëveshja për armë bërthamore shkruan BBC përcjell arbresh.info
Shtëpia e Bardhë tha se ishte “regjimi më i rreptë i sanksioneve të imponuara ndonjëherë ndaj Iranit” dhe synonte sektorët e Iranit për energjinë, transportin dhe sektorin bankar.
Megjithatë, tetë shtete të paemëruara nuk do të ndëshkohen nga Shtetet e Bashkuara për vazhdim të importimit të naftës iraniane.
Pas vendimit të presidentit amerikan, Donald Trump për ta tërhequr SHBA-në nga ky pakt me arsyetimin se Irani ka shkelur shpirtin e marrëveshjes, autoritetet amerikane kanë nisur aplikimin e valës së parë të sanksioneve kundër Teheranit në muajin gusht, derisa vala e dytë ishte paralajmëruar se do të niste së aplikuari në muajin nëntor.
Pakti bërthamor që ka nënshkruar Irani me fuqitë botërore parasheh lirim të Teheranit nga sanksionet në këmbim të frenimit të aktivitetit bërthamor.
Tërheqja e SHBA-së nga ky pakt pati shkaktuar zemërim ndërkombëtar, mirëpo pavarësisht të gjithave, shtetet që janë pjesë e këtij pakti janë zotuar për të ruajtuar marrëveshjen në fjalë.
Irani në anën tjetër ka akuzuar Trumpin për nisje të “luftës psikologjike”./arbresh.info/
Rumania përballet me rrezikun e përmbytjeve
Kurti: Vitin e ardhshëm do të nënshkruhet Marrëveshja për ba...
Kuvendi Komunal i Prishtinës thërret mbledhje të jashtëzakon...
Ish-lojtari i Man Utd zbulon se si iu desh të largohej nga k...
“Kosova dhe Çekia me marrëdhënie shumë të mira bilater...
Gërvalla bën homazhe tek varrezat e vëllezërve Bytyqi në New...