Toni Kroos e ka lavdëruar Julen Lopeteguin duke e vlerësuar si një “trajner të mrekullueshëm” pas shkarkimit të 52-vjeçarit nga Real Madridi mbrëmjen e së hënës.

Lopetegui zëvendësoi Zinedine Zidanen si trajner gjatë verës, por si pasojë e pesë disfatave brenda shtatë ndeshjeve ai u largua herët nga Santiago Bernabeu, transmeton portali arbresh.info.

Ndeshja e fundit në detyrë e Lopeteguit ishte ajo në vikend ku Madridi u poshtërua me rezultat tronditës 5 me 1 nga Barcelona në Camp Nou.

Por, Kroos ka lënë të kuptohet se lojtarët e Madridit janë përgjegjës për largimin e trajnerit.

“Disfata më e madhe për lojtarët është kur trajneri duhet të shkoj”, ka postuar Kroos në llogarinë e tij në Instagram.

“Veçanërisht në këtë rast sepse ai është një trajner mrekullueshëm dhe një person i mrekullueshëm. Faleminderit Julen!”

https://www.instagram.com/p/BpkJEwzlJIA/?utm_source=ig_embed

Ndërkohë, trajneri i Barcelonës, Ernesto Valverde beson se Madridi ende garon për tituj edhe nën udhëheqjen e trajnerit të tyre të përkohshëm Santiago Solarit, transmeton portali arbresh.info.

Kur është pyetur nëse Madridi është duke kaluar një sezon tranzicioni, Valverde është përgjigjur:

“Nuk mendoj se kjo ekziston. Madridi është sikur ne dhe ata gjithmonë përgjigjen, unë nuk kam dyshim për këtë. Ata janë ndër top skuadrat, por është ende herët”

“Unë nuk e di nëse Real Madridi është më i rrezikshëm ose jo me arritjen e Solarit në bankinë”

“E kam thënë më parë që Real Madridi është gjithmonë i rrezikshëm dhe ata janë një nga rivalët e mëdhenj për titull”

“Ata janë në çdo kompeticion dhe ata do të përpiqen për të fituar kampionatin, ashtu si ne dhe të gjithë të tjerët”

/arbresh.info/