Avokati kërkon pafajësinë për Shullazin, seanca e radhës me 13 nëntor

13:30 | 30 Tetor 2018
Arbresh.info

Gjykata e Krimeve të Rënda zhvilloi sot seancën e rradhës gjyqësore për dosjen “Shullazi”.

Në sallë nuk ishte i pranishëm asnjë nga 5 të pandehurit, të cilët u përfaqësuan nga avokatët e tyre.

Mbrojtja u bë vetëm nga avokati i Shullazit, Vladimir Meçe, i cili kërkoi pafajësi për klientin e tij.

Ndërsa avokatët e 4 të pandehurve të tjerë kërkuan më shumë kohë për të përgatitur mbrojtjen.

Seanca e radhës u shty për në datën 13 nëntor.

Më 2 tetor Prokurorët kanë kërkuar në total 64 vite burg për të gjithë të akuzuarit.

Për Emiljano Shullazin, i cili është cilësuar si kreu i grupit të strukturuar kriminal, prokuroria kërkon 17 vjet burg, 10 vjet për Blerim Shullazin, 15 vjet burg për Gilmando Danin dhe nga 11 vjet burg për Endrit Qyqjen dhe Endrit Zelën./ora news

Shpërndaje në rrjete sociale

Lajmet më të lexuara

Të ngjashme

Foto lajm