Lazio dhe Interi kanë publikuar formacionet zyrtare për ndeshjen mes tyre mbrëmjen e sotme (e hënë).

Dy skuadrat italiane kanë zbuluar njëmbëdhjetshen startuese për takimin mes tyre në kuadër të xhiros së dhjetë në Serie A, shkruan portali arbresh.info.

Lexo edhe: Antonio Conte – Real Madrid, prishet marrëveshja

Kjo është një ndeshje mes dy skuadrave në stadiumin Olimpico që nuk ka përfunduar me barazim që nga marsi i vitit 2008.

Nikoqirët e këtij takimi kanë fituar me rezultat 3 me 1 ndaj Marseilles në Evropa Ligë duke siguruar tetë fitore nga dhjetë ndeshjet e fundit në të gjitha kompeticionet (tetë fitore, dy humbje). Në ligë, ata kanë gjashtë fitore nga shtatë ndeshjet e fundit (gjashtë fitore, një humbje), pasi nisën sezonin me dy humbje radhazi.

Në shtëpi, ata kanë fituar tri ndeshje radhazi dhe kanë mbajtur dy herë portën e pastër. Vetëm në njërën nga dhjetë ndeshjet e tyre të fundit në Serie A në shtëpi, Lazio ka dështuar për të shënuar gol.

Lexo edhe: Familja e Cristiano Ronaldos është shumë e zemëruar pas akuzave të rënda ndaj tij

Nga ana tjetër, Interi nis takimin e sotëm pas disfatës në mesjavë kundër Barcelonës me rezultat 2 me 0 në UEFA Ligë të kampionëve.

Në Serie A, Interi ka një rekord impresiv duke shkuar në pesë fitore radhazi dhe brenda tri prej tyre kanë mbajtur portën e pastër.

Interi ka mbrojtjen e dytë më të mirë në ligë me vetëm gjashtë gola të pranuara.

Takimi mes dy skuadrave zhvillohet nga ora 20:30./arbresh.info/

Lazio: Strakosha; Luiz Felipe, Acerbi, Radu; Marusic, Parolo, Badelj, Milinkovic, Lulic; Caicedo, Immobile

Inter: Handanovic; Vrsaljko, Miranda, Skriniar, Asamoah; Vecino, Brozovic; Politano, Joao Mario, Perisic; Icardi