Ministri i Infrastrukturës Pal Lekaj, të dielën është pritur në Stamboll nga homologu i tij turk Mehmet Cait Turhan. Me këtë rast, krerët e infrastrukturës së dy vendeve nënshkruan Memorandum Mirëkuptimi për Bashkëpunim në Veprimtari Kërkimore – Zhvillimore në Fushat e Transportit.
Kjo marrëveshje sjell një numër aktivitetesh prej të cilave Kosova do të përfitojë nga përvoja turke në transportin rrugor dhe aviacion, përmes shkëmbimit të informacioneve mbi politikat sektoriale, legjislacionin primar e sekondar të të dyja vendeve, vizita të zyrtarëve e ekspertëve trajnues dhe organizime të tjera që kanë për qëllim ngritjen e performancës së dikastereve të Ministrisë së Infrastrukturës.
Në takimin mes Lekajt dhe Turhan u diskutua rreth të arriturave dhe sfidave të transportit të Kosovës. Ministri Lekaj theksoi lidhjen e qyteteve të Kosovës me rrugë të standardizuara dhe infrastrukturë përcjellëse moderne, ndërkaq vlerësoi se transporti hekurudhor ka nevojë për investime . Në këtë pikë, Turhan shprehi gatishmërinë për ndihmë financiare dhe burime të nevojshme njerëzore.
Lekaj po qëndron në Stamboll me ftesë të shtetit turk për pjesëmarrje në ceremoninë e hapjes së aeroportit të ri të Stambollit që do të zë vend të hënën./arbresh.info/
Shtëpia e Netanyahut sulmohet me dron, thotë zëdhënësi i tij
I akuzuar nga SPAK, kapet në Itali 35-vjeçari, pritet ekstra...
“TaorminaNews24”: Italianët zgjedhin Shqipërinë në vend të “...
Scholz takohet me Erdogan në Stamboll, në fokus të bisedimev...
Raportet e progresit afër, vetëm Kosova nuk ka lëvizur në dr...
Rutte: Dialogu Kosovë-Serbi nuk po ecën siç do dëshironim