Xherdan Shaqiri ka zbuluar se si Jurgen Klopp e inspiroi atë për të shënuar golin e tij të parë te Liverpooli duke i thënë ta shijojë lojën e tij.

Kosovari i transferuar nga Stoke City hapi llogarinë e tij te “Redsat” në fitoren 4 me 1 ndaj Cardiff-it në Anfield pasditen e sotme (e shtunë), transmeton portali arbresh.info.

Lexo edhe: Xherdan Shaqirin trullos tre lojtarë dhe shënon gol të bukur

Mohamed Salah dërgoi në epërsi Liverpoolin pas vetëm dhjetë minuta lojë dhe Sadio Mane më pas shënoi për 2 me 0 derisa po zhvillohej minuta e 66′. Callum Paterson ngushtoi avantazhin e nikoqirëve duke shënuar në minutën e 77’ para se Shaqiri të realizonte për 3 me 1 me një goditje vërtetë klasike në minutën e 84′ ndërkohë që Mane thelloi edhe më tej epërsinë duke shënuar golin e tij të dytë personal.

Shaqiri ka zbuluar pas ndeshjes se si trajneri e inspiroi atë me fjalët e tij para se ta inkuadronte atë në fushë nga bankina si një zëvendësues të Adam Lallanas.

“Jam shumë i kënaqur që kam shënuar, kam pritur që disa ndeshje për këtë”, ka thënë fillimisht ylli kosovar, transmeton portali arbresh.info. “Jam shumë i lumtur që kam shënuar golin tim të parë këtu para tifozëve dhe shpresoj të vazhdoj për ta bërë këtë”

“Trajneri më tha ta shijoj lojën, ta ndihmoj skuadrën dhe të luaj lojën time”

“Unë përpiqem për të dhënë më të mirën gjatë gjithë kohës, pra sot ishte një ditë shumë e mirë për mua”

“Ne jemi një top skuadër, që të jemi të suksesshëm ne duhet të fitojmë këto ndeshje”

“Ato janë të vështira, jo gjithmonë të lehta për tu luajtur”

“Është fillimi i sezonit, prandaj ne duhet të vazhdojmë kështu, nëse ne e bëjmë atëherë do të kemi një vit të suksesshëm”

Shaqiri duket se është duke krijuar një partneritet të shkëlqyer me Salahn.

Ylli egjiptian i asistoi Shaqirit në golin e sotëm, ndërsa gjilanasi i kishte asistuar atij në fitoret e fundit – kundër Huddersfieldit dhe Red Star Belgrades./arbresh.info/